طريقتى فى تنضيف البشره وكله من الطبيعه

السلام عليكم

النهارده هاقولكم على طريقتى فى تنضيف البشره

وهى خلاصتى فى قراءه الكتب والبحث فى النت جربت اكثر من طريقه

وهذه الطريقه والمكونات هى اللى اعتمدتها واستمريت عليها لنتايجها الهائله

نبتدى

عمليه تنضيف البشره تتكون من ثلاث مراحل

1 التنضيف

2 التقشير

3 حمام البخار

4 الماسك

5 الترطيب

اول حاجه التنضيف ينظف الوجه بقطنه مبلله بلبن مثلج وابقى بصى وشوفى اللة هيطلع فى القطنه بعد كده نغسل الوجه بماء فاتر من اثار اللبن

ثانى حاجه التقشير ويتم بمعلقه من عسل النحل ومعلقه لبن بودره ويدلك الوجه بطريق دائريه وبرفق يا جماعه مع بشرتكم ما تتخانقوش معاها
بعد كده نغسل الوجه من اثار المقشر

تالت حاجه نعرض الوجه لبخار الماء يا اما بالجهاز او بملء حله بها ماء مغلى وومكن نضيف بعض الاعشاب (شاى اخضراو بابونج او بقدونس)

ويكون الوجه بعيد عن الحله حوالى 20سم وما تنسوش تغطوا شعركم وطبعا نغطى الراس بفوطه ونتعرض للبخار حوالى 10 دقائق

وياريت تكون معانا قطعه قطنه ونمسح بيها الوجه لتنسيط الدوره الدمويه

رابع حاجه الماسك انا باعمل ماسك تحفه لشد البشره والمحافظه على حيويتها ونضارتها عباره عن(معلقتين زبادى ومعلقه عسل نحل ومعلقه ليمون و3 اقراص فيتامين e ) نخلط المكونات مع بعض ونضعها على البشره لمده 20 دقيقه مع الاسترخاء بعد كده نبخ الوجه ونحرك الماسك بطريقه دائريه ونغسل الوجه بماء فاتر ونمرر قطنه بماء ورد لقفل المسام


خامس حاجه الترطيب وده بيكون بزيت زيتون او زيت فيتامين Eوبعض نقط من الجلسرين وترطب البشره بحركات دائريه

واتمتعوا ببشره صافيه نضره وومكن تكرار الموضوع ده مره كل اسبوعين